ШИКІЗАТТАН ДАЙЫН ӨНІМГЕ ДЕЙІН: FOODEXPO QAZAQSTAN 2026 КӨРМЕСІНДЕГІ ТАМАҚ ӨНЕРКӘСІБІНЕ АРНАЛҒАН ХАЛЫҚАРАЛЫҚ ТЕХНОЛОГИЯЛАРДЫҢ МАМАНДАНДЫРЫЛҒАН ПАВИЛЬОНЫ
2026 ЖЫЛҒЫ 11–13 ҚАРАША АРАЛЫҒЫНДА АЛМАТЫ ҚАЛАСЫНДА, «АТАКЕНТ» ҚІЫО АУМАҒЫНДА 28-ШІ ОРТА АЗИЯЛЫҚ ХАЛЫҚАРАЛЫҚ «ТАМАҚ ӨНЕРКӘСІБІ» КӨРМЕСІ — FOODEXPO QAZAQSTAN 2026 ӨТЕДІ.
Биыл ауқымды экспозиция №7, 8, 9, 10 және 11 бес павильонда орналасып, 35 елден 600-ден астам компанияны біріктіреді.
Көрменің негізгі мамандандырылған алаңдарының бірі №11 павильон болады. Мұнда ауыл шаруашылығы шикізатын өңдеу және азық-түлік өнімдерін өндіруге арналған технологиялар мен жабдықтарға басты назар аударылады. Экспозиция сүт және ет өнеркәсібіне арналған шешімдерді, құю технологияларын, наубайханалық және кондитерлік жабдықтарды, ингредиенттерді, орау шешімдерін және қолданыстағы өндірістерді жаңғыртуға әрі жаңа өндірістерді іске қосуға қажетті басқа да бағыттарды қамтиды.
Мұндай салалық мазмұн Қазақстанның қайта өңдеу секторын жүйелі түрде дамыту аясында ерекше өзекті болып отыр. 2026 жылға арналған стратегиялық міндеттердің бірі — АӨК-тің негізгі бағыттары бойынша қайта өңделген өнімнің үлесін 70%-ға дейін арттыру. Азық-түлік өнеркәсібінде де оң динамика сақталуда. 2026 жылдың бірінші жартыжылдығында Қазақстанда азық-түлік өнімдерін өндіру көлемі өткен жылдың сәйкес кезеңімен салыстырғанда 14,7%-ға артты.
Мемлекет ет пен сүтті қайта өңдеуді дамытуға ерекше көңіл бөледі — бұл бағыттар №11 павильонда кеңінен ұсынылады. 2026 жылы жалпы сомасы 35,1 млрд теңгеге сүтті қайта өңдеуге арналған 10 жобаны және 32,8 млрд теңгеге етті қайта өңдеуге арналған 14 жобаны іске асыру көзделген.
Осы жағдай аясында кәсіпорындардың заманауи технологиялық жабдықтарға, өндірістік процестерді автоматтандыруға және жаңа шешімдерді енгізуге деген қажеттілігі артып келеді. Дәл осы міндеттерге FoodExpo Qazaqstan 2026 көрмесінің №11 павильонында ұсынылатын экспозиция арналады. Мұнда Германия, Италия, Швейцария, Чехия, Польша, Ресей, Қытай және Қазақстаннан келген жабдық өндірушілер мен жеткізушілер бірігеді.
Павильонның негізгі бағыттарының бірі сүт пен етті қайта өңдеуге арналған шешімдер болады.
ALPMA (Германия) сүтті қайта өңдеуге және ірімшік өндіруге арналған жабдықтарды ұсынады. Flottweg SE (Германия) шикізат компоненттерін бөлу және технологиялық процестерді оңтайландыру үшін қолданылатын өнеркәсіптік центрифугалар мен сепарация технологияларын таныстырады.
Ет өңдеу өнеркәсібіне арналған шешімдерді Food Genius (Қазақстан) — ет өңдеуге арналған жабдықтар, Mauting (Чехия) — түтіндеу камералары, сондай-ақ Reich Thermoprozesstechnik (Германия) — өнеркәсіптік пештер мен өнімдерді термиялық өңдеуге арналған жабдықтар ұсынады.
Қатысушылар қатарында тамақ өнеркәсібі мен орау машиналарына арналған жабдықтарды ұсынатын Tipper Tie Technopack (Германия) компаниясы да бар.
Павильонның жеке бөлігі нан-тоқаш және кондитерлік өнеркәсіпке арналған жабдықтарға арналады.
Hansella (Германия) кондитерлік жабдықтарды, соның ішінде кәмпиттер мен сағыз өндіруге арналған шешімдерді ұсынады.
RONO (Германия) тамақ өнеркәсібі мен нан пісіруге арналған жабдықтарды ұсынады.
Қазақстандық Rodals, EVAPEAK, «Фаворит Техно» және «Хлебные технологии» компаниялары нан-тоқаш және кондитерлік өндірістерге арналған жабдықтарды таныстырады.
Заманауи азық-түлік өндірісін өнімді өлшеп орау, құю, қаптау және таңбалауға арналған тиімді шешімдерсіз елестету мүмкін емес.
MULTIVAC (Қазақстан / Германия) вакуумдық қаптамаға арналған жабдықтарды, ал SOMIC (Германия) автоматтандырылған орау жүйелерін ұсынады.
Hualian Machinery Asia (Қазақстан / Қытай), Intell Pack (Қазақстан) және Storm Technology (Қазақстан) орау жабдықтарын таныстырады.
Ресейлік «Интеграл Плюс» және «Русская Трапеза» компаниялары орау шешімдерін, ал Galdi (Ресей) құюға арналған жабдықтарды ұсынады.
Таңбалау және этикеткалау бағытында Forintek-Asia (Қазақстан) компаниясы ұсынылады.
Өндірістік процестерді автоматтандыруға ерекше назар аударылады. COMAT (Италия) өнеркәсіптік автоматтандыру, басқару жүйелері және электр жабдықтары саласындағы шешімдерді, ал ARI-Armaturen Albert Richter (Германия) өнеркәсіптік арматура мен бу және сұйықтық ағындарын басқару жүйелерін ұсынады.
Экспозицияның маңызды құрамдас бөлігі өндірістік процестердің тұрақтылығын және өнім сапасын бақылауды қамтамасыз ететін технологиялар болады.
AICON X-RAY (Германия) рентгендік бақылау және өнеркәсіптік сапаны бақылау жүйелерін ұсынады.
Micro Solutions (Қазақстан) және The Say Chem Kazakhstan (Қазақстан) зертханалық жабдықтарды таныстырады.
Өндірістік инфрақұрылым бағытында Tapflo (Қазақстан) және «Вайз Инжиниринг» (Қазақстан) тамақ өнеркәсібіне арналған сорғы жабдықтарын ұсынады.
Craemer (Германия) өндірістік логистика мен материалдарды өңдеуге арналған пластикалық паллеттерді, контейнерлерді және басқа да шешімдерді көрсетеді.
Осылайша, экспозиция негізгі өндірістік желілерді ғана емес, сонымен қатар азық-түлік өндірісінің сапасына, қауіпсіздігіне және тиімділігіне әсер ететін қосалқы технологиялық процестерді де қамтиды.
№11 павильон — азық-түлік кәсіпорындарын жаңғыртуға арналған алаң. Сүт пен етті қайта өңдеуден бастап нан пісіру, құю, орау, автоматтандыру және сапаны бақылауға дейін — келушілер бір көрме алаңында технологиялардың кең ауқымымен таныса алады.
Кәсіпорын басшылары, техникалық директорлар, бас инженерлер, технологтар және сатып алу жөніндегі мамандар үшін FoodExpo Qazaqstan халықаралық жеткізушілердің ұсыныстарын зерделеуге, өндірістік міндеттерді компания өкілдерімен тікелей талқылауға және қолданыстағы әрі жаңа жобаларға арналған шешімдерді табуға мүмкіндік береді.
FoodExpo Qazaqstan 2026 көрмесіне ресми қолдауды Алматы қаласының әкімдігі, Қазақстан құс өсірушілер одағы, KAGIR, UCIMA және Қазақстан Республикасының «Атамекен» ұлттық кәсіпкерлер палатасы көрсетеді.
Ұйымдастырушы — Қазақстандық көрме компаниясы Iteca және оның халықаралық серіктесі — ICA Events компаниялар тобы.
